Ramri kaltlanga Kuhva lakluh leh kuhva  phur Lirtheite avanga harsatna thleng hrang hrang heng;

1. Dan lova Myanmar atanga kuhva lakluh hian kawng ruk tam tak a hring chhuaka, chumi zarah chuan Zokhawthara Agriculture Department enkawl Plant Quarantine Station paltlang lova thlai hrisel lo, natna hrik, rannung leh hlo chi hrang hrang pai lak luh a tam phah a. Hei hi India Bio-Security tana pawi anih bakah sawrkar dan Plant Quarantine Regulation of Importing to India Order, 2003, Schedule-I kalh anih avangte

2. Kuhva phurh vanga kawng chhe nasa leh Traffic jam in mipui/damlo/officials tour Khawbung tlangdung khuate, Champhai leh Aizawl inkara kalte tan harsatna a siam nasat avangte

3. Law and Order kenkawh kawngah harsatna a siam nasa a, Tiau kai khua leh Champhai khua Lirthei nei inkarah inhmuhthiamlohna a thlen avangte

4. Kuhva phur Truck tam tak Champhai leh khaw dangah an awm avangin Driver leh Handyman-te sulhnu, bawlhlawh, zun leh ek kawngkama thlahdah a nih avangtea Champhai khua leh a chhehvel tan thianghlimna kawngah harsatna a thlen bawk avangte, heng zawng zawngte hian Champhai district mipuiteah harsatna nasa tak a thlen avang leh mipuite hnen atanga  sawiselna tam tak dawn anih bawhzuiin Pi Maria C.T. Zuali District Magistrate, Champhai District chuan Dungtlang Police Check Gate, Champhai chu kuhva phur Lirthei bik tan ni 17.12.2020, zan dar 12:00 atanga thu leh awm hma atan khar rih tur anih thu vawiin  17.12.2020 hian a chhuah.