No.803/2020-2021

Mizoram sorkar thuchhuak No. B.13012/101/2020-DMR/Pt-II dated 2nd May, 2020 in a tarlan bawhzuiin, Champhai District Magistrtae Pu Mark Lalthanliana chuan Sec 144CrPC, 1973 (Act II of 1973) leh Sub-Regulation (I) of Regulation of the Mizoram Epidemic Diseases (COVID-19) Regulations-2020 in thuneihna a pek angin, hri inkaichhawn awl leh khawvel tibuai mektu, COVID-19 laka Champhai District mipuite an him tlanna turin a hnuaia tarlan ang hian khapna thupek a chhuah:

1. Ni 4 May, 2020 atanga thu leh awm hma chu Champhai District chhungah zan dar 7:00 atanga zing dar 4:00 inkar CURFEW puan a ni a, hemi hun chhung hian mi tumah pawn chhuah phal a ni lo. He thupek hian COVID-19 chungchanga duty-te leh Deputy Commissioner-in phalna a pekte a huam lovang.

2. Chhun lamah pawh tul bik thilah lo chuan mi tumahin mahni in leh compound an chhuahsan tur a ni lo.

3. Loh theih loh thil lohah chuan, kum 65 chunglam te, hriselna thalo te, nau pai te leh naupang kum 10 hnuailamte mahni inchhungah inkharkhip tur a ni.

4. Pawn chhuak tur leh Damdawiin a kal tur reng rengin (Face Mask emaw thildang hmangin) hmai an tuam ngei ngei tur a ni.

5. Lock Down chhungin mi 5 aia tam punkhawm phal a ni lo.

6. Vantlang hmun leh dawra kalte feet 6 tala inhlatin an awm tur a ni.

He thupek zawm lo chu IPC Sec. 188 leh Section 51-60 of the Disaster Management Act, 2005 hmanga hrem theih an ni ang.

He khapna thupek hian thupek dang tihchhuah a awm anih loh chuan chhuah anih atanga thla hnih a huam ang.

He thupek hi vawiin May Ni 4, 2020 hian Court Seal nemin ka hming ka ziak hnan e.