No.2043/2021-2022

Aizawl, the 29th August, 2021: Covid-19 hripui laka Champhai District him tlan zel theih nan Pi Maria C.T Zuali, District Magistrate, Champhai District chuan Sec 144 CrPC, 1973 (Act II of 1973) in thuneihna a pek angin, Myanmar atangin Champhai District chhungah bungrua eng chi mah lak luh phal a nih loh thu a chhuah.

Khapna thupek hi Mizoram Sawrkar State Disaster Management Authority Order No. B. 13021/101/2020- DMR/Vol-IV dated 7.5.2021, para-A-1 in 'Entry point-te leh Mizoram luh theihna hmun dang (Inter-State leh International Border) ahte Deputy Commissioner leh Superintendent of Police-te ruahman angin uluk takin Police leh Village Level Task Force-te an duty ang' a tih behchhana siam niin, he khapna thupek hian chhuah a nih August ni 23, 2021 atanga thla hnih chhung a huam ang.

Thupek zawm lo te chu IPC Sec. 188 hmanga hrem theih an ni ang.