Tunlai hrileng khawvel ram hrang hrangte ngaihven mek natna inkai awlsam leh darh chak tak, Novel Coronavirus Disease, Covid-19 laka invenlawkna tura ruahmanna kal zelah Champhai District Magistrate Pu SL Naveen, IAS chuan vawiin khan ngenna a tichhuak. District Magistrate chuan Champhai District chhunga Kohhran leh Pawl hrang hrangte chu Kohhran inkhawm pangai nilo, mipui pun khawm tam theihna ang chi reng reng; inkhawmpui, tournament leh programme dangte tun atanga thu leh awm hma chuan huaihawt rih lo hram tura ngenin a hriattir a ni.