Champhai District Magistrate Pu Mark Lalthanliana chuan Mizoram Sawrkar Home Department  atanga hriattirna hmuh  bawhzuiin, Indo-Myanmar ramri leh State dang ramri  atanga Champhai District lut ru turte uluk leh  khauh lehzuala ven anih theihna turin  hriattirna a chhuah. Ramri ven uluk lehzual angaihna thuchhuah hi ramri veng mektu Champhai District chhunga  Police, Central Para Military Forces leh Village Level Task Force te  hnenah hrilhhriat ani. Thuchhuah chuan Champhai District khuate chu  ram dang/ State dang atanga lut ru tanpui leh mikhuala thlen a khap tlat a,  ram dang/ State dang mi lutru lo tanpui emaw, mikhuala thleng chu DC Office-ah a ranglama thlen zel turin a hriattir a ni.