No.5823/2020-2021

Dated Champhai, the 6th October, 2020: Champhai District chhungah Ran khuahkhirh loh a tam hle a, ran khuahkhirh loh hi mipui tan a him loh bakah kawng hrang hrangin a hnawk sak a, mihring hriselna atan pawh a tha lo a ni. Champhai District a lo thianghlimna turte, mipuite himna leh hriselna atan Pi Maria C.T Zuali, District Magistrate, Champhai District chuan Sec.144 CrPc 1973 (Act-II of 1973) in thuneihna a pek dungzuiin ran khuahkhirhna thupek a hnuaia mi ang hian a chhuah.

1. A neitu venna tel lovin eng ran mah an mahni a chhuah tir/tlat tir phal a ni lo.
2. Ran neituin a ran vulh vantlang hmun emaw midang ramah a chhuah tur a ni lo.
3. Ui reng reng a vulhtuten an kai a nih loh chuan pawn chhuah tir loh tur a ni.
4. Mahni ran vulh in khawlai emaw, vantlang hmun a ti bawlhhlawh a nih chuan a neituten an thianfai tur a ni.

He khapna thupek chhuah a nih atanga thla hnih chhung awh tur hi vawiin October Ni 6, 2020 hian Champhai District Magistrate Pi Maria C.T Zuali chuan Court Seal nemin hming a ziah hnan a ni.

He thupek zawm lote chu Section 188 IPC hmangin hrem an ni ang.