No.7113/2020-2021
Champhai District huamchhungah dan lova kuhva phur lirtheite avanga district chhung kawngte a lo chhiat zel avang leh PMGSY kawng siam mekte leh kawng siamthat hnathawhte a tih thuanawp bawk avangin
District Magistrate Pi Maria C.T Zuali chuan Section 144 Cr Pc, 1973 (Act-ll of 1974) in thuneihna a pek angin Champhai to Tualcheng/Vaikhawtlang kawngah kuhva phur motor reng reng tlan khap tlat anih thu vawiin January Ni 12, 2021 (Thawhlehni) hian a chhuah.

He thupek hian chhuah a nih atanga thla 2 (hnih) chhung a huam ang, a zawm lote chu Section 188 IPC hmanga hrem an ni ang.

He thupek hi Court Seal chhut hnanin vawiin January Ni 12, 2021 hian Pi Maria C.T Zuali, District Magistrate, Champhai District: Champhai chuan hming a ziah hnan a ni.