No.4438/2020-2021
Dated Champhai, the 24th August, 2020: Tunlaia Vawk natna hlauhawm leh inkaidarh awlsam tak leng mek African Swine Fever (ASF) laka himna tura thenawm State leh ram dang atanga Vawk, vawksa leh vawksa atanga thil siam reng rengte lakluh khap tlatna dan hman mek mai piah lamah, he hrileng laka Champhai district a lo invenlawk leh fihlim lehzual theihna turin District Magistrate Pi Maria C.T Zuali chuan Sec. 144 CrPC. 1973 (Act II of 1973) in thuneihna a pek tlawhchhanin Champhai district chhung khawi khuaah mah vawk, vawksa leh vawksa atanga siam reng rengte phurh luh leh khawi khua atang maha phurh chhuah khapna thupek a chhuah.
He thupek hian chhuah anih atanga thla hnih (2) chhung a huam dawn a, thupek zawm lo tu chu IPC Sec. 188 hmanga hrem an ni ang.
Thupek hi District Magistrate Pi Maria C.T Zuali chuan Court Seal-a nemin August Ni 21, 2020 khan hming a ziah hnan a ni.
