No.5868/2020-2021

Dated Champhai, the 7th October 2020: Mizoram Sawrkar State Disaster Management Authority-in inthlahdulna dan hnuaia inkaihhruaina a chhuah, Order No. B 13021/101/2020-DMR/Vol-II dated 30.9.2020, Point No. I. A. Sub No. I in a tarlan dan chuan Mizoram luhchhuahna Zokhawthar kaltlang kawngpui chu bungrua leh khualzin phur lirthei tan hawn a ni ang tih a ni. Champhai District Magistrate Pi Maria C.T Zuali chuan Zokhawthar Gate kaltlang theih dan tur chungchangah hetiang hian thupek a chhuah.

1. Bungrua la lut tur reng rengte chuan 'Bill of Entry' an nei tur a ni a, Superintendent, Land Custom Station Zokhawtharah an thehlut tur a ni. Bungrua thawn chhuak turte pawhin “Shipping Bill’ an nei tur a ni. Hemi lehkha nei lo te tan bungrua lak luh leh thawn chhuah khap tlat a ni.

2. Myanmar atanga mihring rawn lut tur an awm a nih chuan an rawn luh hma kar khat ah mCOVID-19 Mobile Application atangin emaw, Incident Commander, BDO Champhai leh Officer-in-charge Zokhawthar Police hnenahte an in hriattir hmasa tur a ni. Luh phalna pekte chu Screening neih hnuah Sawrkar Quarantine Facility ah ni 14 chhung khung hran tur an ni. Thu leh awm hma chuan Free Movement Regime (Intlawh tawn theihna) chu COVID-19 avangin phal a ni rih lovang.

3. Myanmar atanga mihring rawn luh phalsakte chuan COVID-19 test, Quarantine Facility awm man, chaw ei man leh motor (vehicle) hman man anmahni senso in an intum tur a ni.