No.3853/2021-2022 

Aizawl, 30th January, 2022: Thenawm ram Myanmar buaina avanga raltlan Champhai District chhunga rawn lut te chungchang ngaihvena zirchiang tur leh hmalak dan turte enfiahin Nodal Officer Pu Henry C.Lalrawnkima Addl DC,  Pu Lalnunfela Chawngthu SDO (Sadar), Pu Obed Lalmalsawma SDC leh Pu V.L Hruaimawia District Organiser, DM&R Champhaite chuan vawiin January ni 30, 2022 (Pathianni) khan ramri depa awm Zokhawthar leh Melbuk khuate an tlawh.

Tunhnaia Champhai District ep mai Indo-Myanmar Border hnaih khuaa inkahna avanga hlaua India lama rawn tlanchhiate hrechiang turin leh a tul anga hmalak zel dan turte zirchiang turin District Official-te hi an kal a, hmanraw mamawh angte pein chhawmdawlna dangte pawh a tul ang zela buaipui tum a ni. An ni hi khawtlang hruaituten an lo tawiawm a ni. 

Khawtlang hruaitututen Official-te an hrilh danin tunah hian tunhnai boruak avanga raltlante hi mi 2000 bawr vel Zokhawtharah an awm belh ni a chhinchhiah a ni a. Melbukah hian tunhnai thil thleng bik avanga raltlan hi 300 vel awma chhinchhiah a ni bawk. 

Attachment

  • Loading attachment...