2254/2025-2026

Champhai, dated 17th November 2025: Vawiin khan DC Conference Hall-ah District Planning Committee chu Champhai Bawrhsap leh Chairman ni bawk Pu Mohammad Aaquib hovin an thukhawm.

District Planning Committee hian district thuamthatna atana ruahmanna, District Transformation Plan chungchang an sawiho a. Department hrang hrang atangin district chungchang - hnathawh kal zat, building leh infrastructure awm zat leh thil pawimawh dang thehluh tawh te enho niin sawiho a ni a, Champhai Vision statement tur duan chhuah niin Champhai district tana hma lak dan tur duan chhuah a ni. Hei bakah hian department atanga proposal hrang hrang lut thlan chhuah a ni nghal bawk. Chairman Pu Mohammad Aaquib chuan district tana hmasawnna a nih dawn avangin proposal pawm tak te tha taka department te'n hma la turin a chah a ni.

He hunah hian P&PID Sr. Research Officer leh Under Secretary ni bawk Pi Jessie Vanlalruati a tel a, sawrkar pisa hotu thahnem tak an tel bawk.