Champhai District Police-te tan a ni thum awh tur training buatsaih niin, vawiin khan “Protection of Children from Sexual Offences Act, 2012” chungchang zirhona neih a ni. He training, Champhai Police Station Conference Hall-a neih hi nimin khan tan niin, COTPA leh a kaihhnawh chungchanga zirtirna ngaihthlak a ni a. Training-ah hian Champhai, Khawzawl leh Ngopa Police Station atangte leh Zokhawthar Outpost-a thawkte an tel a ni.

Police-te tana training hi Pi. H. Vanlalzawni, Deputy CP, Champhai chuan a kaihruai a. Vawiin training hi Mizoram State Child Protection Society leh Champhai District Police tangkawp chuan buatsaihin, Protection of Children from Sexual Offences Act, 2012 chungchangah Pi Lalfamkimi, Advocate chuan zirtirna a pe a. Pi Amy Lalrinpuii, Programme Manager, Mizoram State Child Protection Society-in naupang bil Dan – Juvenile Justice Care and Protection of Children Act, 2000 chungchang leh, he Dan hnuaia Police-te mawhphurhna a sawi a.

Protection of Children from Sexual Offences Act (POCSO) hnuaiah hian pawngsual leh khuaikhem thubuai ngaihtuahtu bik Special Court hi Aizawl leh Lungleiah te din a ni tawh a. POCSO Act hian naupang thubuaite hi kum khat chhunga ngaihtuah zo ngei turin Court chu phut a ni.

Training hi naktukah neih chhunzawm leh a ni ang.