2307/2023-2024

Champhai the 13^th October, 2023 – Mizoram Assembly Election, 2023-a ding tur Candidate te tan vawiin atang khan Nomination thehluh hun hawn a ni a. Champhai District-a Assembly Constituency pathum – 23 Champhai North AC Returning Officer Pu M. Misael, 24 Champhai South AC Returning Officer Pu James Lalrinchhana leh 25 East Tuipui AC Returning Officer Pu Lalrinawma te chuan Form 1 -Notice Of Election ti chhuak in Champhai District tan Nomination hun an hawng a ni.

Nomination hi Sawrkar hnathawh ni, chawhma dar 11 leh tlai dar 3 inkarah thehluh theih niin, October ni 20, 2023 (Zirtawpni) tlai dar 3 thleng thehluh theih a ni a. October ni 21, 2023 (Inrinni) ah Nomination paper tling khawm te hi enfiah an ni anga, October ni 23 (Thawhtanni) tlai dar 3 thleng inhnuhdawhna hun hawn a ni bawk ang.

Champhai District-a Assembly Consitutency pathum (3) ah te hian vawiin khan Nomination thehlut an awmlo a ni.

Mizoram Assembly Election, 2023 poll date hi November ni 7, 2023 niin, zing dar 7:00 atanga tlai dar 4:00 inkarah inthlan hi neih a ni ang.