Kumin inthlanpui a Champhai District a hman tur EVM leh VVPAT te hmanni lawka  Constituency pangaa hman tura semrual te endika chu vawiin khan neih niin bar code te khawl hmanga scan nghal vek a ni. 

District chhunga Assembly constituency panga a hman tur vote thlakna khawl Ballot Unit 212, Control Unit 224 leh vote thlak endikna VVPAT 214 te chu Assembly Constituency tin tan semrual  ni tawhin  Strong room 5-ah dah that vek an ni a. Strong room-te hi Champhai DC Comlplex chhung DPRC (District Panchayati Raj Resource Centre) building-ah 22-Tuichang (ST) AC leh 25-East Tuipui (ST) AC atana hman tur EVM, VVPAT; DRDA Champhai buildingah 21-Lengteng (ST) AC leh 23-Champhai North (ST) AC a hman turte dah niin,  DC Pisa kianga Strong Room siam tharah 24-Champhai South (ST) AC a hman turte venhimna tha tak hnuaiah dah that a ni bawk.

Ruahman ang chuan 21-Lengteng A/C-ah hian BU-42,  CU-44 leh VVPAT-43 hman tura tih niin,  22-Tuichang A/C-ah BU-40,  CU-42 leh VVPAT-40 hman tura ruahman a ni a,  23-Champhai North A/C-ah BU-46,  CU-49 leh VVPAT-46 hman tura tih a ni a,  24-Champhai South A/C tan BU-39, CU-41 leh VVPAT-39 hman tura ruahman  niin,  25-East Tuipui A/C-ah BU-45,  CU-47 leh VVPAT-45 ruahman a ni bawk.

Vawiin Strong room hawnga inthlanna hmanruate  Bar code endika scan-na hunah hian Political Party hrang hrang aiawhte, venhimna thawktu leh elction branch thawktute an tel a ni.