674/2025-2026

Champhai, 19th May 2025: May ni 17, 2025 (Inrinni) chawhnu dar 01:00 khan Excise & Narcotics Department te chuan Zokhawthar, Venghnuai ah Heroin 22.100 grams (sahbawn bawm 2 a dah) leh a neitu a puh mi 1 (pakhat) Siangmuanthanga (30) S/o Saihmingthang, Khawmawi(Myanmar) ni a in chhal chu an man.

Tin, vawiin (Thawhṭanni) dar 1:00 pm hian Excise & Narcotics Staff te leh 42nd Assam Rifles te joint operation chuan New Champhai Seventhday Workshop bulah Heroin 128.600 grams (Sahbawn bawm 11 a dah) leh a neitu Emmanuel Lalrindika (24) S/o K. Vanlalhnema, Lunglei Ramthar Veng, nia inchhal chu an man a, tin, ruihhlo phurhna atana hman Scooty NTORQ Regn. No.MZ 02-B-8386 chu man tel nghal a ni.

Ruihhlo avanga man te hi, The Narcotics Drugs & Psychotropic Substances Act 85 dan tlawhchhanin thubuai siam sak nghal an ni a, District & Session Court,Champhai ah hruai nghal an ni.