Vawiin khan Champhai DC Pu H. Lalengmawia hovin Champhai Helipad thar tur hna thawh mek chu enfiah a ni. Pu Saidenga, Dy. Controller, Aviation, Champhai PWD engineer-te leh khawtlang hruaitute an tel a. Helipad hi nikum December 2014 atanga khan laihrem hna tan a ni a. Tunah hian a panna kawng siam hna thawh mek a nih bakah waiting shed sak hmabak a ni.

Helipad siam nan hian NLCPR atanga pawisa sanction niin, PWD in a siam hna hi an thawk a ni. Champhai bakah hian Saitual leh Aizawl ah helipad thar siam hna hi thawh mek a ni a. Heng bakah hian hmun dang pasarih a helipad neih sa chei that hna kalpui mek a ni bawk.