No.5652/2020-2021

Dated Champhai, the 1st October, 2020: Covid-19 hripui leng mek avanga mipuite himna tura Mizoram sawrkar thuchhuak No.B.13021/101/2020-DMR/Vol-II, dated 30.9.2020 Clause D Sub-Clause (1) & (2) bawhzuina atan Ieh Champhai district mipuite hri leng laka an him tlanna turin, Pi Maria C.T Zuali, District Magistrate, Champhai District chuan Sec 144 CrPC, 1973 (Act II of 1973) in thuneihna a pek angin a hnuaia mi ang hian thupek a chhuah.

1) October Ni 1, 2020 atangin Champhai khawpui chhungah zan dar 8:00 atanga zing dar 4:30 inkar CURFEW puan a ni a. Curfew hun chhung hian mi tumah pawn chhuah phal a ni Io.

He thupek hian Dan leh Thupek kengkawhtute, COVID-19 chungchanga Duty-te, Medical Emergency Duty, Media/Chanchinbumi, bawnghnute sem, Essential Services duty-te leh Deputy Commissioner-in phalna a pekte a huam lovang.

2) Champhai khawpui chhung vantlang hmunah mi 5 (panga) aia tam punkhawm khap tlat a ni. Hei hian DC atanga phalna neite a huam lovang.

A chunga tarlante bakah hian Mizoram sawrkarin inkaihhruaina dan thar ber a siamte zawm theuh tur a ni ang.

Thupek zawm lo chu IPC Sec. 188 hmanga hrem an ni ang. He khapna thupek hian thupek dang tihchhuah a awm a nih loh chuan chhuah a nih atanga thla hnih chhung a huam ang.

He thupek hi vawiin October Ni 1, 2020 hian Pi Maria C.T Zuali, District Magistrate, Champhai District chuan Court Seal nemin hming a ziah hnan a ni.