Champhai to Aizawl Road, kawtchhuah pawimawh tak lei tawlhin a tlak buak avanga kawngpui kaltlang theih loh leh thenfai hleihtheih lova a awm avangin Champhai District Bawrhsap hovin vawiin chawhma khan C hamphai DC Pu Lalthangpuia Sailo IAS hovin ama pisa ah Disaster Management Committee an thukhawm leh a ni.

Kawngpui danchaha a awm thin avang hian a helna tur Khankawn to Zotlang Road chu siamthat mek a niin a siam tha tur a ruat O/C 74 RCC leh EE, PWD Champhai te chu anmahni motor-a lung thiar turin Champhai DC chuan thuchhuah siamin an ni hian an hnathawh dan report chu a hnenah an thehlut tur a ni.

Champhai Vengthlang IB veng atanga leiminin Kanan kawngpui a hnawhpin thin avang hian zinmite leh lirtheia kalte nunphung pawh a ti buai hle a. Supply kudam panna kawng ber anih bawk avangin district bawrhsap chuan retailer ten buhfai an lak theina turin motor te chi emaw hmanga thiar dan ruahman turin vawiin vek khan a hrilh nghal a ni.

Leimin hi JCB ten vilin leivung hi paih reng nimahse a min belh zel avang leh min tur a awm zel avangin paih fai mai a harsa a, a paihna atana hmanraw pawimawh tak JCB hman remchan tur avang hle a, hemi kawnga hmalak zui zel theih nan JCB hman tur neite chuan Champhai DC Ph. 03831-234402 ah hriattir tur a ni a. A hmanna bill pawh DC office Champhai ah hian thehluh tur a ni.