Champhai District NGO Co-ordination Committee buatsaihin vawiin dar 11 am khan I & PR Conference Hall, CHANEM Building ah Champhai Master Plan sawiho a ni a, Champhai North Bialtu MLA Pu T.T. Zothansanga, Khuallian a ni a, Vanglaini Editor Pu K. Sapdanga Khual Zahawm a ni.
He sawihona hi Session 2-ah then a ni a, Session khatna, NGO Chairman Pu Lalnunmawia kaihhruai ah hian thusawiin Khuallian Pu T.T. Zothansanga, MLA chuan Master Plan hi India ramin Independence a neih hma, 1915 daih tawh khan Mumbai khawpui ah tan a lo ni tawh a, India ram Independence hnu, Constitution an duan ah State thuneihna ah a dah a, Mizoramah kum 1972 khan Town & Country Planning Wing din a ni a, LAD enkawlna hnuaiah dah a ni a, Kum 2003 ah MNF Ministry khan mumal takin a thuam tha a, an hnathawh tur pawh fel takin a ruahman a, Kum 2006 a UD&PA Deptt. din anih khan, an hnuaiah behtir leh an ni a, mahse mahnia thuneihna hran nei lo anih avangin mipui beisei angin hna an la thawk thei lo a ni, a ti. PuT.T. Zothansanga chuan a taka Town & Country Planning ten hna an thawh theihna tur chuan department dang hnuaiah beh tir lovin, thuneihna sang tak pek an ngai a ni, a ti a, kan khawpui ber Aizawl pawh hi mumal taka Plan awm lo anih avangin mipui ten kan duh duh in In kan sa a, kawngpui kan nek a, mihring kan pung zel bawk si a, chuvangin Khawpui Plan hi kan mamawh takzet a ni, a ti a, nakin a kan tu leh fate thlenga chenna nuam khawpui kan neih theih nan Master Plan tha tak kan mamawh a ni, a ti.
Khualzahawm Pu K. Sapdanga chuan thu sawiin hmasawnna a kal zel ang a, tuna kan khawpui lun lai ber te hi nakin lawkah chuan Commercial Area kan ti ang a, a dawt lehah chuan Slum Area ah an la chang dawn a ni. India ram khawpuia Slum Area te khu khawpui laili a awm vek an ni a, tunhma a khawpui laili thin, mahse siamthat theih tawh loh an nih avangin khawpui tak tak hi khaw daifem-ah an sawn zel a ni, a ti. Vanglaini Editor chuan Champhai hi khawpui nuam, kan tu leh fate tana chenna tlaka siam turin Master Plan tha i siam ang u, a ti.
He Seminar ah hian Pu David Thangluaia Paper present, Economic Growth (Agricul-ture, Border Trade) te, Tv.Lalramchullova'n power point hmanga Sanitation & Waste Management a entirte leh Tv.Lalchhanhima Zofa-in Town Planning & Road Connectivity a present te chu ngaihthlak a enho a ni a, sawiho zui a ni bawk. He seminar ah hian NGO-a pawl hrang hrang, YMA, MHIP, MUP leh Party hrang hrang aiawhte an kal tha hle.
Khualzahawm Pu K. Sapdanga chuan thu sawiin hmasawnna a kal zel ang a, tuna kan khawpui lun lai ber te hi nakin lawkah chuan Commercial Area kan ti ang a, a dawt lehah chuan Slum Area ah an la chang dawn a ni. India ram khawpuia Slum Area te khu khawpui laili a awm vek an ni a, tunhma a khawpui laili thin, mahse siamthat theih tawh loh an nih avangin khawpui tak tak hi khaw daifem-ah an sawn zel a ni, a ti. Vanglaini Editor chuan Champhai hi khawpui nuam, kan tu leh fate tana chenna tlaka siam turin Master Plan tha i siam ang u, a ti.
He Seminar ah hian Pu David Thangluaia Paper present, Economic Growth (Agricul-ture, Border Trade) te, Tv.Lalramchullova'n power point hmanga Sanitation & Waste Management a entirte leh Tv.Lalchhanhima Zofa-in Town Planning & Road Connectivity a present te chu ngaihthlak a enho a ni a, sawiho zui a ni bawk. He seminar ah hian NGO-a pawl hrang hrang, YMA, MHIP, MUP leh Party hrang hrang aiawhte an kal tha hle.
