Nimin (19.5.2015) khan Champhai District SP Pu R.P. Meena hovin SP Conference Hall-ah Addl. SP, SDPO, Dy. SP leh Champhai Police Station a case i/o zawng zawng nen Crime Meeting neih a ni a. He meeting hi POCSO (Protection of Children from Sexual Offences) Act chungchang training-in a chhunzawm a ni.

Champhai SP Pu R.P. Meena chuan Champhai Police Station-a case tam ber chu rukruk a nih avangin hemi do tur hian tan la lehzual turin thawktute chu a fuih a. Hmeichhia, naupang, upate leh pianphunga rualbanlo-te complaint chu ngaihpawimawh sak zual turin officer-te chu a fuih bawk.

Meeting zawh hian POCSO Act, naupang kum tlinglo chunga mipat hmeichhiat hman sual chungchang zirho niin, district chhunga he dan kalpui a hmalak dan tur sawiho a ni.