2332/2025-2026

Dated Champhai, 21st November 2025: Vawin khan Mizoram Cleanliness Competition kalpui meka hmalakna tur sawihoin Champhai Town Sanitation Task Force chu District Bawrhsap Pu Mohammad Aaquib hovin DC Conference Hall, Keifangtlangah an thukhawm.

Bawrhsap chuan faina kawnga Sawrkar department te, tlawmngai pawl hrang hrang te leh mipuite thawhhona leh inlungrualna avangin Champhaiin faina kawngah nasa takin hma a sawn mek a, kan thlen chinah duh tawk mai lo a 'Mizoram Cleanliness Competition 2025' in buatsaihna neih mekah hmasawn leh zual tura thawhhopuiah kalkhawm te leh district mipuite a sawm a ni.

Pu Ngulzathuama Member Secretary leh DUDO ni bawk chuan hmalak tawhna leh agenda sawifiahna neiin, hmalak dan tur sawihona neih nghal a ni a. 'Mizoram Cleanliness Competition 2025' ah hian tehfung hrang hrang 18 (sawmpariat) hmanga endikna kalpui tur a ni a.  Endikna kalpuina tur te ngungthluk taka sawiho a ni a, Sawrkar department te, Tlawmngai pawl leh VC te hna tur chanpual tur te rel a ni bawk.