3072/2023-2024

Champhai, the 16th December, 2023: Champhai Town Vending Committee chuan tukin khan an Chairman Champhai DC Pu James Lalrinchhana hovin kawngsira inzuar, street vendor-te inpho leh inzawrh phalna tura a pawm 'Vending Zone' nilo, kawngsir leh duh duhna hmun remchang laia khawpui tichep leh tihmelmawilo zawnga thil zuar thinte an awm em tih endikin Inspection an nei a. Thil zawrh phal lohna hmunah te No Vending Zone sign an tar nghal bawk a ni.

 Dan palzuta tiluite chu 'The Mizoram Street Vendor (Protection of Livelihood and Regulation of Street Vending) Repeal Act, 2017 tlawhchhanin hrem theih an ni dawn a, receipt challan hmanga fine lak zel tur a ni ang.

Vawiin inspection ah hian Champhai DC Pu James Lalrinchhana, Additional SP Pu Lalmalsawma Hnamte leh officials dangte bakah tlawmngai pawl hruaitute an tel a. Dawr engemawzat tlawh kualin hman khat daih sarang (Single Use Plastic) zuar an awm em tih an enfiah bawk a, SUP an hmuhte an man nghal bawk a ni.