No.2196/2021-2022

Aizawl, the 12th September, 2021: September ni 3, 2021 a Champhai Zotlang veng pumpui hmun khuahkhirh bik (Restricted area) puan chu Covid-19 hri kai an tlak hniam zel avangin Pi Maria C.T Zuali District Magistrate, Champhai District chuan 'The Mizoram Epidemic Diseases (COVID-19) Regulations, 2020' Section 11 in thuneihna a pek tlawhchhanin Zotlang veng chhung - Pu F.Lalsiama in atanga Lungverh tui kawng thlengin, Hriangngaw kawr zawh chho zelin, Khawulh veng chhung bakah Pu H.Zothangmura Farm huam telin hmun khuahkhirh bik (Restricted area) ah vawiin September ni 12, 2021 tlai khan a puang.

Restricted Area chhungah hian Magistrate, Medical Duty leh VLTF duty-te phalna lovin tu mah luh leh chhuah phal a ni lo.

He inkhuahkhirhna hian Executive Magistrate, Police, Health & Family Welfare, Fire & Emergency lama hnathawktute leh District Magistrate-in a bik taka phalna a pekte chauh a huam lo ang.

He thupek bawhchhia an awm a, man an nih chuan, 'The Mizoram Epidemic Diseases (Covid-19) Regulations 2020' Section 13 leh Indian Penal Code (IPC) Section 188 hmanga hrem theih an ni ang.

Hei hian thupek chhuah a nih atanga hnu chhuina (contact tracing) kalpui ngaih hun
chhung a huam ang a, a tul anga pawhsei theih a ni ang.