2462/2023-2024

Champhai the 24^th October, 2023 - Mizoram General Election, 2023 a hman tur EVM leh VVPAT Randomization vawi hnihna chu nimin tlai khan Champhai District tan NIC Conference Hall, Keifangtlang ah neih a ni.

October ni 18, 2023 (Nilaini) khan 1^st Randomization lo neih tawh niin, hetah hian Balloting Unit (BU),Controlling Unit(CU) leh VVPAT inkawp tur te thliar fel anih bakah, an hmanna tur Assemly Constituency thliar niin, Assembly Constituency tin Strong Room-ah te dah fel nghal an ni a. Nimin 2^nd Randomization ah hian Polling Station tina hman tur EVM leh VVPAT te thliar fel leh niin, an awmna Strong Room tinah chhinchhiah nghal an ni.

Randomization-ah hian 23 Champhai North AC, leh 24 Champhai South AC General Observer Dr Ranjit Kumar Singh, IAS; 25 East Tuipui AC General Observer Pu Sanjay Kumar, IAS; Champhai DC&DEO Pu James Lalrinchhana leh political party hrang hrang aiawhte an tel a ni.