4638/2024-2025

Champhai, 13th March 2025: Vawiin chhun dar 12:00 khan DC Conference Hall, Keifangtlangah Mizoram Sawrkar Flagship Programme ‘Bana Kaih’ hnuaia Chief Minister’s Inventors Challenge-ah mimal hmasawnna tur leh khawtlang tana rotling Hardware Innovation (khawl lam thil siamchhuahna) a duh apiang tel theihna project insiamsiak inelna neih a ni.

He hun hi District Bawrhsap leh District Innovative Challenge Committee Chairman ni bawk Pu Mohammad Aaquib chuan a kaihruai a, intihsiaknaa tel te hian an thil siam chhuah te sawifiahna hun an hmang a, an siam chhuah bungrua rawn ken te enfiah a ni bawk.

He intihsiakah hi Pu Joel Lalbiakkima Scientific Officer; Pu Lalṭhamawia Bolchhim Asst Professor GCC; Er. Lalremtluanga, Executive Engineer, Power Project Division; Pu Lalthanfela Tecnical Assistant; leh Pu H. Lalbiaknia SDC ten an endik a ni.

Chief Minister’s Inventors Challenge ah hian endikna tehfung hrang hrang Creativity & Original of Idea/Concept, Practicality/Technical Feasibility, Design & Execution, Business Model and Sustainability leh Societal impact Value te hman a ni a. Lawmman dawngtute chu :

1. Pu Zoramchhana, Chhungte, (KD Controller Pump)
2. Pu Lalruatfela, Champhai Kanan
3. Pu R. Lalhruaitluanga, Champhai Vengthlang North (Ranchaw herna khawl leh changel herna khawl); te an ni.

District inelnaa tiṭhate hian State Level inelnaah District ai an awh dawn a ni.