4912/2025-2026

Champhai, dated 18th March 2026: Vawiin khan District Monitoring Committee (DMC) for Bana Kaih Scheme buatsaihin Circuit House Conference Hall-ah Bana kaih (Handholding) chungchang workshop neih a ni a, Dr KC Malsawmzauva, Adviser to CM ( Implementation of Handholding Policy) in a telpui a, Dr Peter Malsawmtluanga, SDO(S) leh Member Secretary DMC ni bawk chuan hun a kaihruai a. Pu Mohammad Aaquib, DC Champhai in thu sawina hun a nei bawk a ni.

Dr KC Malsawmzauva, Adviser to CM (Handholding Policy) chuan District Monitoring Committee in Bana Kaih chungchanga workshop a buatsaih chu lawmawm a tih thu a sawi a, mi zawng zawng hi sawrkar hnain a daih tawh loh avangin entrepreneurship chu ngaih pawimawh a hun thu leh hmasawnna rahbi rap tura puih tlak ni tura, mahni in tanpuia kan rilru kan siam thar a tul hle a, quantity aia quality pawimawh ziate, project hrang hrangte chu bank kalphung zul zuia tih a nih avangin monitoring leh document tha neih a pawimawh ziate a sawi bawk.

Member Secretary Dr Peter Malsawmtluanga chuan Bana Kaih Scheme chungchanga hma lak tawhna hrang hrang report a pe a, Pu Lawmkima Lead District Manager chuan Bank lam kaihhnawih hrang hrang leh loan pekchhuah tawh dan report a pe a, Bana Kaih Scheme lo dawng tawhte hlawhtlinnna thawnthu leh Bana Kaih Loan Component dil dan screen play en ho a ni bawk.

Vawiin workshop-ah hian Pi Laldikkimi leh Pu Zohmingthanga, Member, MSPCC te chuan Bana Kaih Scheme leh KCC chungchang inzirtirna hun an hman bakah zawhna leh chhanna hun an hmang a, Pu Lalchhuanawma Ralte, SDC chuan lawmthu sawiin hun a khar a ni.

Bana kaih (Handholding) chungchang workshop neih zawh hnu hian Dr KC Malsawmzauva Adviser to CM (Implementation of Handholding Policy) hian Mualkawi Ginger Secondary Collection Centre, Khuangleng Ginger Secondary Collection Centre leh Ginger Processing Unit tlawhin a hnathawh dan leh an hma lakna hrang hrang a hmunah kalin a enpui a ni.