4714/2025-2026

Champhai, dated 6th March 2026: Vawiin khan DC Conference Hall, Champhaiah Chapchar Kut 2026 thlirlawkna Champhai Bawrhsap Pu Mohammad Aaquib hovin neih a ni.

He hunah hian Programme Sub Committee Chairman, Sub-Headquarters YMA President Pu Lalrinmuana hnen atangin hmalakna te ngaihthlak a ni a, programme duan dan te, inpuahchahna te leh thil tul dang a sawi lang a ni. Department hrang hrang leh pawl hrang hrang te'n an hmalakna leh mamawh te an sawi khawm bawk a, Chairman Pu Mohammad Aaquib chuan Chapchar Kut hlimawm tak kan hman theih nan theihtawp chhuah turin a sawm a ni.

He hunah hian Champhaia sawrkar hotute leh tlawmngai pawl te an tel a ni.

Chapchar Kut 2026 hi Champhaiah March ni 13 hian chawhma dar 11-ah Zotlang Sports Stadium-ah lawm a ni ang a, Kut Pa chu Adviser to CM (Finance) Pu TBC Lalvenchhunga a ni ang a, Kut Thlengtu hi Champhai Bawrhsap a ni ang. A lawmnaah hian zaithiam milar sawm an ni bakah YMA te, MHIP te, MUP te hnen atangin costume parade, cheraw, chheihlam leh intihhlimna chi hrang hrang a awm ang a, Chapchar Kut Concert MZI-in an buatsaih bawk ang.