2150/2026-2027

Dated Champhai, the 9th September, 2026: Vawiin khan DC Conference Hall, Keifangtlangah SDO(S) Dr. Peter Malsawmtluanga kaihhruaina hnuaiah Chief Minister’s Special Package Phase-2 hnuaia Progress Partner te tan Orientation Training buatsaih a ni a, District Bawrhsap Pu Mohammad Aaquib in a hmanpui.

Bawrhsap chuan Chief Minister’s Special Package Progress Partner ten an trade thlan theuhah taima taka thawk turin a chah a. Sawrkarin a beisei ang ngeia hlawhtlinpui tura chahin, midangte tan pawh eizawnna chhawp chhuak thei tur khawpa tan la turin a fuih a, placard semna hun a hmang nghal bawk a ni.

Vawiina Orientation Training-ah hian Pi Lalhminghlui, ADAO Champhai chuan kalkhawm te tan Orientation Training a neihpui a. Progress Partner Commerce & Industry Department hnuaiah mi 16, Fisheries Department hnuaiah mi 3,  AH & Vety hnuaiah mi 8 leh Agriculture Department hnuaiah mi 5, Tourism Department hnuaiah mi 2 leh Cooperation Department hnuaiah mi 7 awmin, an vaiin mi 41 an ni. Pu Lalchhuanawma Ralte, SDC chuan Report a pek hnuah lawmthu sawiin hun a khar a ni