District Level Border Area Development Programme (BADP) Screening Committee chu vawiin khan Champhai DC Conference Hall-ah an thutkhawm a. He hun hi Champhai DC Dr. Naveen Aggarwal, IAS chuan a kaihruai a ni.
Ramri depa awmte chawikanna BADP kaltlanga Sawrkar laipui leh State Sawrkar atanga sum lokal te hmandan tur thlirhonaah hian Champhai District chhunga RD Block 4 zinga BADP hmang thei tur RD Block 3, Khawbung, Champhai leh Ngopa BDO ten Sorkar kum kalta a BADP sum an dawn zulzuia ruahmanna an duanlawk cheng nuai 1221.00 hu chu chipchiar taka thlirho a ni a.
Ruahman dan chuan 2018-2019 chhungin Ngopa RD Block tan Cheng nuai 219 leh State Matching Share Rs 108.5 lakhs, Champhai RD Block tan cheng nuai 373 leh State Matching Share Cheng nuai 161.5 leh Khawbung Rs Block tan Cheng nuai 272 leh State Matching Share Cheng Nuai 136 ruahman lawkte chipchiar taka thlirin, sum ruahmanna ruahman lawkte hi Mizoram State a thawn thlak turin khaikhawm leh a ni ang.
He hunah hian Champhai District A/C 5 atangin MLA 3 : Lengteng bialtu MLA Pu L. Thangmawia, Champhai North bialtu MLA Dr. ZR.Thiamsanga leh 25-East Tuipui bialtu MLA Pu Ramthanmawia te an tel a. Champhai DRDA Project Director Pi Ethel Rothangpuii, Pu Lalchhuanliana, BDO Khawbung; Pi Rebecca Laldinmawii Hrahsel, BDO Champhai; Pi Lalhruaitluangi, BDO Ngopa; Pu Abraham Beirazi Khithie, SDO Sadar, Pi Laldinfeli SDC leh 24 Assam Rifles aiawhte an tel a ni.
