1997/2026-2027

Dated the 31st August, 2026: Vawiin khan DC Conference Hall Keifangtlangah, District Level Committee on Celebration of Teachers' Day 2026 chu Additional DC Pu Lalbiakfela kaihhruaina hnuaiah an ṭhukhawm.

Ṭhutkhawmnaah hian District Education Officer Pi K.Lalsiamliani chuan kum hmasa lama Champhai District-in Teachers' Day an hman dan report a pe a. Kumin Teachers Day hi Inrinni (5th September) ah a tlak avang leh, a hma chiah ni (4th September) chu public holiday a nih avanga September ni 3 (Ningani) a hman chu State Working Committee on Teachers Day-in an rel thu a sawi a. District chhunga hman dan tur rel chhunzawm nghal a ni.

Teacher's Day 2026 chu School tinin anmahni remchan dan angin September ni 3-ah, hautak lo thei ang bera hman ṭheuh nise tih a ni a. Dr. S. Radakrishnan chanchin leh Education Minister thuchah school tina chhiar chhuah tur niin, Champhai khawpui hmun thum DEO office (Bethel Kawn), SDEO Office (Dawrkai Kawn), leh Samagra Office (Darthangvunga Traffic Point) ah te Teachers' Day Banner tar tura tih a ni bawk.