1013/2025-2026

Champhai, dated 1st July 2025: Vawiin khan DC Conference Hall, Keifangtlangah District Level Committee on Displaced Persons te chu Champhai Bawrhsap leh chairman ni bawk Pu Mohammed Aaquib hovin an thukhawm.

He hunah hian Bawrhsap Pu Mohammed Aaquib chuan Biometric lak hi Central leh State sawrkar ruahmanna niin VC, YMA, MHIP leh MUP te chu a pawimawh berte an nih dawn avangin thawhhopuiah a sawm a, thawhhona tha tak nei turin duhsakna a hlan bawk.

Thukhawm chuan Foreigners Biometric leh Biographic lak dan chungchang an rel a, biometric lak turah DC leh SP Office te'n buaipuiin hma an lo la ang a, Biometric la tu hian team indinin chu team-ah chuan veng tin atangin VC, YMA, MHIP leh MUP 1 theuh an tel ang. Biometric Team-a tel turte chu July ni 15 atanga ni 20, 2025 chhungin training pek an ni ang a, training hi hlawm 3 a neih a ni bawk ang.

He hunah hian hian Champhai SP Pu Lokeshwaran R leh VC, YMA bakah Office dangte an tel thei a ni.