4256/2023-2024
Champhai, the 19th March, 2024: Vawiin chawhnu dar 2:00 PM khan District Level Monitoring Committee (D-MC) for Central Sector Scheme (CSS) ‘Formation and Promotion of 10,000 Farmer Producer Organisations (FPOs) chu Pu James Lalrinchhana, Deputy Commissioner & Chairman, D-MC kaihhruaiin DC Conference Hall-ah an thukhawm. He hunah hian hmalakna hrang hrangte thlirletna neih a nih bakah Champhai district tana scheme kalpui dan tura hmachhawpte sawiho a ni.
Deputy Commissioner & Chairman, D-MC Pu James Lalrinchhana chuan Champhai district-ah Central Sector Scheme (CSS) ‘Formation and Promotion of 10,000 Farmer Producer Organisations (FPOs) hlawhtling taka kalpui a nih theih nan hemi buaipuitute chu ngaihdan inpawhtlang taka sawi hova hmalak tum turin a chah a, thawhhona tha a awm phawt chuan kan hlawhtling thei dawn a ni, a ti. CSS for Formation and Promotion of 10,000 FPOs chu FPO hlawhtling tak leh mahni kutkea ding thei siam tura tanpuitu leh thiamna petu pawimawh tak a nih thu sawiin, thil tharchhuah hralhna leh credit linkage duhkhawp siam kawnga hmalak saktu tangkai tak a ni, a ti a. He scheme hian sum lakluhna kawngah loneitute a puih dawn bakah, khawtlang hmasawnna leh Champhai district chhunga agriculture sector-a innghat kuthnathawktute tan hamthatna a siam ngei a beisei thu a sawi bawk.
D-MC Chairman Pu James Lalrinchhana chuan FPO-te tana viable business plan, capacity building, market linkage, etc. lam ngaihtuah turin a fuih a. Tin, (CBBOS) chu line department hrang hrang, Agriculture, Horticulture, Fisheries etc. te nena thawhhona tha tak neia thawk tur leh district chhunga loneia eiznawgte hmasawnna leh hamthatna lam ngaihtuah turin a chah bawk.
Pi H. Lalhmachhuani, DDM Champhai chuan CSS for Formation and Promotion of 10,000 Farmer Producer Organisations FPOs hnuaia inkaihhruaina leh a tum tlangpui te, Farmer Producers Organization (FPO) chungchang leh an hmalak dan tur tlangpuite powerpoint presentation hmangin a sawifiah a ni.
He hunah hian Pu SC Ramnunmawia, District Co-ordinator, NEIDA chuan baseline survey leh report hrang hrang chungchang chipchiar takin a sawi a. NEIDA FPO hnuaiah Champhai District-a Apple chingtu mi 220 Mizoram Cooperative Societies Act hnuaia inziak lut te'n share capital cheng nuai 2.200 an thawhchhuah thu a sawi a, an share collection atangin equity fund dawng tura rawtna siam a nih thu a sawi a. Business plan, training kalpui dan tur, khaw 4 thlanchhuahah loneitute awareness leh capacity building leh fund dawn leh hman dan tur a thehlut nghal a. Pu Lalremruata, CEO, Chhaktiang FPC in Clover Organic Pvt. Ltd. hmalakna powerpoint presentation hmangin a nei bawk.
Meeting-ah hian Addl. DC, Senior Scientist & Head, KVK, Khawzawl, DCO, DHO, ADAO, VO, DIPRO, LDM, Official dangte, NEIDA leh Clover Organic Pvt. Ltd. aiawhte an tel a ni.
Attachment
- Loading attachment...
