4862/2024-2025

Champhai, 27th March 2025: Champhai District Level Narco Coordination Centre (NCORD) Committee chu vawiin chawhnu dar 3:00 khan Champhai Bawrhsap Pu Mohammad Aaquib kaihhruaiin an ṭhukhawm.

Ṭhutkhawm kaihruaitu Pu Mohammad Aaquib chuan ṭhutkhawm chhan sawiin Champhai District chhunga ruihhlo dona kawngah, sawrkar thuneitute leh tlawmngai pawlte inkara thawhhona tha tak a awm thin chu chhunzawm zel tul a tih thu a sawi a ni. 

Champhai SP Shivendu Bhushan chuan meeting agenda sawifiahna neiin ruihhlo tawlh leh hman sualna a pung nasa hle a ni, a ti a. District NCORD member te chu ruihhlo dona kawngah theihtawp chhuah awmze nei zawk leh mumal zawka khuahkhirh anih theihna tura ngaihtuahna seng zel turin a chah a ni.

He hunah hian Champhai District Police,Excise & Narcotics Champhai,  line Department hrang hrang ten ruihhlo do kawnga hma an lakna te ngaihthlak a ni a. He huna tarlan a nih danin March  2025 chungin Champhai District Police-ten ND&PS Act, 1985 hnuaiah case 15 an ziaklut a, mi 22 man an ni. Heroin  7.415 Kgs, Methamphetamine kgs 22.105 leh caffeine kg 3000 man a ni a,  a hlut zawng hi nuai 553 (₹ 5,53,34,500) man hu an man a. February ni 28, 2025 khan Drug Awareness Campaign Govt Champhai College zirlaite hnenah SI Lalnunmawia  Champhai PS kaihhruainaa neih niin zirlai naupang 90 lai an tel a ni. March ni 27, 2025 khan Champhai PS leh NCORD Champhai  District hmalaknain Legal Awareness & Drug Awareness Campaign neih ni bawkin SI Roduhzuala' n zirtirna neiin mi 14 a tel bawk a ni. 

He hunah  Excise & Narcotics Department Champhai te chuan  March, 2025 chhung an hmaklakna tarlangin  ND&PS Act, 1985 hnuaiah case 7 ziak lutin mi 5  an man a. Heroin gram 392 leh Phensydyl 36 litres an man bawk a ni.