DIRECTORATE OF INFORMATION & PUBLIC RELATIONS, Government of Mizoram, India

No.2543/2021-2022
Aizawl the 8th October, 2021: Faina Hapta 2021, ‘Faina- Kan in leh a chhehvel atangin’ tih thupui hmanga October ni 2 atanga ni 8 chhunga hman chu vawiin chawhnu dar 2 khan Horticulture Complex, New Champhai-ah khar a ni. He hunah hian District Bawrhsap Pi Maria C.T Zuali chu khuallian a ni a, faina kawnga intihsiakna hrang hranga titha thlanchhuahte hnenah lawmman sem chhuah a ni.

Khualian Pi Maria C.T Zuali chuan faina kawnga hmalakna chu hapta zawh hnua khara tawp mai tur nilo kumtluana hman tur a ni, a ti a. Champhai District fai lehzual nan mitinin mawhphurhna inchen vek kan nei a ni tiin, chhungtinin nitin darkar khat tal faina lam hawia hma kan lak phawt chuan district fai leh thianghlim ber kan ni thei dawn a ni, a ti a. Sik leh sa nuam, hmun mawi leh hringdup, leilet zawl mawi tak leh khaw dangin an neih loh hmunhma nuam tak tak awmna Champhai District vawnfai leh humhalh kawngah district mipuite theihtawp chhuah turin a chah a ni.

Champhai mawina leh nawmna vawnhim kawngah a chhunga chengte ngei an pawimawh ber thu sawiin, tibawlhhlawhtute pawh keimahni ngei kan nih thin avangin khawpui leh a chhehvel hmunhma nuam leh mawiahte kan len pawhin bawlhlawh kan thehthang mai mai tur a ni lo, a ti a. Hmunhma pawimawh leh lenvelnaahte bawlhhlawh bawm siam vek tum a nih thu pawh sawilangin, zirna in, pawl, khawtlang, office leh kohhranah ngawrh taka faina chungchang kan inzirtir zel chuan chak takin hma kan sawn thei dawn a ni, a ti bawk.

Faina hapta puala intihsiakna hrang hrang lawmman sem nghal a ni a. Intihsiakna huang hrang hranga lawmman dawn dan kimchang chu hetiang hi a ni :

S/N	Category	Prize
1.	Veng Fai	1^st	Zote
		2^nd	Venglai
		3^rd	Kahrawt

2.	Office Fai	1^st	District Treasury Office
		2^nd	SP Office
		3^rd	SE, PHE Office

3.	School Fai	1^st	Champhai Higher Secondary School
		2^nd	Vengsang High school
		3^rd	PES, Zotlang

4.	Newspaper (Cleanliness Campaign Coverage)	1^st	Lenrual Newspaper
		2^nd	Pasaltha Newspaper
		3^rd	Rihlipui Newspaper

5.	Restaurant Fai	1^st	BSP Restaurant, Vengthlang
5.	Restaurant Fai	2^nd	Purple Orchid, CHANEM
		3^rd	LL Mega, Awmpuiphei

6.	Hotel Fai	1^st	Hotel Hranga Plaza, Vengthlang
		2^nd	Chawngthu Hotel, Vengthlang


7.	Bazar Fai	1^st	Bethel Bazar
		2^nd	Bazarpui, Vengthlang
		3^rd	Electric Bazar

8.	Hospital Fai	1^st	DM Hospital
		2^nd	District Hospital, Champhai
		3^rd	Med Aim Hospital

9.	Photography	1^st	Zosangzuala, Vengthlang
		2^nd	Laltanpuia, Chhungte
		3^rd	Lalhriatpuia, Venglai

10	1 Minute Mobile Video Clip Making Competition	1^st	Lalhruaitluangi, Venglai
		2^nd	C. Lalrindika, Vengthlang North
		3^rd	K. Lalchamliana, Vengsang

Faina Hapta kharna hun hi Pi R.Lalnunkimi, DUDO Champhai chuan a kaihruai a, Pi Lalsiammawii, Legal cum Probation Officer, District Child Protection Unit, Champhai-in he hunah hian hmeichhe naupangte dikna, chanvo, intluktlanna leh zirna kawnga hmalak leh tanlak ngaihnate a sawifiah bawk.

Faina hapta hmang chhung hian nitin hmalakna hrang hrang neih a ni a. October ni 6 khan No Tolerance Day hman niin, Champhai Solid Waste Management Bye-Laws, 2020 dan bawhchhia mi 20 man niin an pawisa chawi tlingkhawm zat hi Rs. 6,000/- a ni. Heng bakah hian in leh a vel tihfai, hnatlangpui, PA system leh media kaltlanga fai inzirtirna, Office tihfai leh a dangte thawh a ni a. Kharna hman zawh hnu hian Social media kaltlangin hmalaknate pholanna campaign hman chhunzawm a ni bawk.

Attachment