Vawiin khan Fire & Emergency Department, Champhai chuan Fire Awareness Street Campaign an nei.

He hun hi Darthangvunga Traffic Point, Champhai Vengthlangah neih niin kan hma lawka Kristiante hunpui Krismas leh kum thar lo thleng turah kangmei chhuak thei laka mipuite himna tur leh kangmei tichhuak lo tura zirtirnate pek a ni.

Pu F. Lalchhandama, Station Officer chuan hunpui lo thleng a mipui ten tih ngei ngei tur anga kan ngaih halpuah, halmawi leh sky lantern kan hal thinte hian kangmei nasa tak a thlen theih thu sawiin heng ang chi ho tih makmawh anga kan ngaih hi kan dahbo a hun tawh a ni, a ti a. Khua a ro chhoh zel avangin eng chhitah  fimkhur a trul thu a sawi a.  Meichhem leh thil halte timit lova kalsan hian kang nasa tak a thlen thei a ni tiin, mipuite chu halpuah, halmawi leh a kaihhnawih chi hrang hrang bakah kangmei tichhuak thei hrang hrang laka fimkhur turin a sawm a ni.

He hunah hian mipui pungkhawm leh Bazar veivakte hnenah Sticker sem niin Naupangte hnenah ei tur sem a ni bawk.