No.7546/2020-2021
Sawrkar laipui Ministry of Health & Family Welfare hnuaia Health Services Reporting System pui ber, National Health Mission leh hriselna kawnga hmalakna dangte vilzuia hmachhawp awmte zirchianna kawnga hmanraw tangkai tak Health Management Information System (HMIS) chungchang inzirtirna chu vawiin khan I&PR Conference Hall, CHANEM Champhaiah Health & Family Welfare Department bultuma neih a ni.
Health Management Information System (NHIM) hi kum 2008 October thla khan sawrkar laipuiin a tlangzarha, hemi kum vek hian National Health Mission, Health & Family Welfare Department, Govt. of Mizoram hnuaiah kalpui tan a ni. NHIM reporting system hnuaiah hian tun dinhmunah Mizorama Sub-Centre (SC) 370, Primary Health Centre (PHC) 57, Urban Primary Health Centre (UPHC) 8, Community Health Centre (CHC) 9, Sub-District Hospital (SDH) 2, District Hospital (DH) 9 leh Private Hospital 14 te’n thla tin report an pe thin a ni. HMIS hi web based reporting system niin, internet hmangin (online data entry) HMIS Ministry web portal-ah thla tin ni 1 atanga ni 30 thlengin Damdawiin hrang hrang Sub District, District, State leh rampum huap te’n health services, thawktu leh hmanraw neih dante hun bituk chhungin an report thin a, Mizoram Sawrkar Health & Family Welfare Department chuan record leh report pek chungchangah a rin ber a ni.
Vawiin training-ah hian Pu C.Vanlalsiamthara, Consultant, HMIS (State), Pu Lalbiaksanga, State Data Manager leh CMO Office Champhaia thawktu te’n zirtirna an pe a. Training-ah hian Sawrkar Damdawiin hrang hrang leh Private Hospital atanga Medical Officer-te leh Block Accounts Manager (BAM) te an tel a, HMIS kaltlanga report pek dante zirtir an ni.
