69/2024-2025 

Champhai, the 5th April, 2024: General Election to Lok Sabha, 2024 atan vawiin chawhma dar 11:00 khan DC Conference Hall, Champhaiah kum 85 chunglam leh rualbanlote tana in lama vote thlak theihna 'Home Voting' chungchangah training buatsaih a ni.

He hun hi Pu Benjamin Zalawma Ralte, Election Officer chuan a kaihruai a. Pu N. Lalzarzova, BDO Khawbung/ALMT hnen atangin home voting kalpuitu tur Mobile Polling Team kalphung leh mawhphurhnate ngaihthlak a ni.

Ruahman dan chuan April ni 12 leh April ni 13, 2024 hian in lama vote thlak turte panchilha postal ballot hmanga vote thlak tir an ni dawn a. Rokhawlhna avanga voter awm remchang lo an awm a nih chuan April ni 15, 2024 hian neih leh tum a ni. Champhai District-ah home voting dilna lut pawmsak mi 134 an awm a; heng zinga 133 hi kum 85 chunglam niin, rualbanlo 1 a awm bawk.