Vawiin chawhnu khan Champhai DC Conference Hall, Keifangtlangah Champhaia kumin Independence Day, August ni 15-a lawmna hun hman dan tur ngaihtuahtu Indepndence Day Celebration Committee thutkhawm a ni a, District Bawrhsap Pu Vanlalngaihsaka, IAS chuan he hun hi kaihruaiin Sawrkar Department leh tlawmngaipawl hrang hrang aiawhte an tel kim hle.
Meeting kaihruaitu, District Bawrhsap Pu Vanlalngaihsaka chuan Independence Day chu India ram tana nisawrk ar hnathawkte chu kal vek tur ani a, sawm bik ten sawmna card ken vek tur a ni
Meeting chuan kumin Independence Day, India ramin zalenna aneih kum 69-na chu Champhaiah chuan Champhai Chhangphut Field-ah ropui taka lawm turin a rel a, hemi ni a khuallian tur ruat chungchang erawhchu State sorkar thuneitute kutah a dah thung.
Kumin Independence Day lawmna ah hian Parade Contingent 20 leh Pipe Band te tel thei turin Meeting chuan a beisei bawk. Sawrkar department hrang hrangte hna chanpual siamfel nghal niin Independence Day ropui taka lawm a nih theih nan mahni chanvo theuh hneh taka thawk turin Meeting chuan department tinte a ngen a ni. Independence Day chu India ram ni pawimawh ber pakhat a nih avangin sawrkar hnathawk zawng zawngte chu a lawmna hmuna kal vek tura beisei niin sawm bikte chu he hunah hian sawmna card keng vek turin Meeting chuan a ngen bawk.
Meeting-a tarlan a nih angina kumin Independence Day ah hian National award (Rashtrapati Award) dawng tur Scouts pahnih leh Guide pakhat an awm dawn a ni.
