4112/2025-2026

Champhai, dated 22nd January 2026: Vawiin khan I&PR Auditorium-ah Village Water & Sanitation Committee (VSWC) te tan "Capacity Building & Orientation Training on Jal Seva Aankalan" buatsaih a ni a, Champhai Addl. DC Pu James Lalnithanga chu khuallian niin training a hawng.

Khuallian Pu James Lalnithanga chuan tui hi mihring tana hlu em em a nih angin VSWC te'n tui an hman thiam a tul thu a sawi a, he training hi VC hrang hrang te tana tangkai tak a nih ngei a rin thu a sawi. Convergence a pawimawh thu sawiin scheme hrang hrang a ruala thawh theih dan hi kalphung tha a ni chho tih a sawi a, MGNREGA hnuai ni 100 inhlawhna pawh tui humhalhna kawngah hman tangkai a ni tawh tih sawiin chung convergence atan chuan inring zel turin a chah bawk a ni.

He hun hi PHED Champhai Watsan Circle Superintending Engineer Er. Lalthanzuali chuan chairman niin a kaihruai a, Capacity Building on Water Assessment for VSWC tih thupui chu Champhai Project Sub-Division SDO Er. C. Zothansanga'n a zirtir a, Financial Management & Sustainability for Effective and Sustained O&M tih thupui chu SBM-G District Coordinator Pi Julie C. Mawii'n a zirtir. PHED EE leh District Water & Sanitation Mission Member-Secretary ni bawk Er. Darthangvunga chuan lawmthu sawiin hun a khar.

Jal Seva Aankalan hi Jal Jeevan Mission hnuaia hmalakna niin veng leh khua hrang hrang Village Council te'n tui an dawn dan leh hman dan mumal zawk an endik theih nan leh anmahnia hma an lak theih nana duan a ni.