2130/2026-2027

Dated Champhai the 8th September 2026: Vawiin khan District Social Welfare Office, Champhai leh Artificial Limbs Manufacturing Corporation of India (ALIMCO) ṭangkawp buatsaihin, Rashtriya Vayoshri Yojana (AVY) scheme hnuaiah kum upate hnenah Assistive Devices (puitu hmanrua) semna hun Mangkhaia Hall, Zotlang, Champhai-ah neih a ni a, Pu Mohammad Aaquib, DC  Champhai chuan khuallian niin a hmanpui.

Khuallian Pu Mohammad Aaquib chuan kalkhawmnaah hian thu sawiin, kum a lo upat hian hriselna tlahniamin, hriatna leh nitin nunphunga harsatna, ri hriatna leh chetvelnaa harsatnain mi a tlakbuak thin a, chutih hun a lo thlen chuan mahnia zangkhai taka chet vel a harsa fo thin a, vawiina Assistive Devices  sem tur te hian heng hriselna, ri hriatna leh chet velna kawnga harsatna upate'n an tawhte hi nasa takin a chhawk zangkhai a beisei thu sawiin, nunphung zangkhai leh nuam zawk thlentu a nih theih nan a dawngtu ten ṭangkai taka hmanga, an hriselna leh chet velnaah hmasawnpui ngei turin duhsakna a hlan a, Assistive Devices semchhuahna a nei nghal a ni.

Hemi hnu hian District Social Welfare Office, Zotlangah Assistive Devices-te hi sem chhunzawm niin, bengdar vuah turte Audiologist Pi Mimi R. Laltlanhlui'n a enpui nghal a ni. Assistive Devices te hi Champhai District chhunga kum upa mi 180-te hnenah sem chhuah a ni.