4351/2023-2024

Champhai, the 27th March, 2024: General Election to Lok Sabha, 2024 atana Champhai District chhunga Polling Personnel duty turte khawl hmanga thliar fela sem rual tum khatna, 'First Randomization of Polling Personnel' chu vawiin chawhma dar 10:00 khan District Election Officer Pu James Lalrinchhana kaihhruaiin NIC Conference Hall, Keifangtlang, Champhaiah neih a ni.

First Randomization of Polling Personnel hmang hian Champhai District-a Parliamentary Segment 3; 23-Champhai North AC, 24-Champhai South AC leh 25-East Tuipui AC a inthlan buaipuia duty tur Polling Personnel-te chu computer hmanga thlan chhuah an ni a. Second Randomization neih hunah an duty-na tur Parliamentary Segment-ah theuh semrual an ni ang.

Champhai District chhungah Polling Station 84  awmin, General Election to Lok Sabha, 2024 atan hian hmeichhe hlangin an vil tur Pink Polling Station 9 a awm dawn a. Pink Polling Station a duty turte chu a hranpaa randomization tih ngai lova manual selection tih a nih dawn avangin Randomization of Polling Personnel hi Champhai District chhunga Polling Station 75 atan neih a ni a; vawiina polling party first randomization tihte hi mipa hlang niin Presiding Officer (PRO) 98, Asst. Presiding Officer (APRO) 98 leh Polling Officer (PO) 197 te an ni.