Vawiin khan kumin Lok Sabha inthlan huna Duty tur Presiding Officer (PRO), Assistant Presiding Officer (APRO) leh Polling Officer (PO) te semrual thawhhnihna chu District Election Officer Dr Naveen Aggarwal hovin NIC Conference Hall, DC Office-ah neih a ni.

Second Randomisation hmang hian inthlan ni a Polling Station a inthlan buaipuitu tur  Mipa 752 leh Hmeichhia 76 te an duty-na tur Assembly Constituency-ah theuh  Computer khawl hmanga semrual a ni. Ruahman dan chuan March Ni 28, 2019 (Thursday) hian Presiding Officer leh Assistant Presiding Officer te pualin training thawhhnihna Govt. GM Higher Secondary School-ah  neih leh tur niin a tuk March Ni 29, 2019 (Friday) ah Polling Officer-te pualin training buatsaih a ni ang.

Kumin Lok Sabha inthlan turah hian District chhunga Assembly Constituency tinah Hmeichhe hlang duty-na tur Polling Station  Dingdi ti a vuah a awm leh dawn a. Ruahman  dan chuan  Polling Station 27 awmna 21-Lengteng A/C,  Polling Station 26 awmna 22-Tuichang A/C,  Polling Station 30 awmna 23-Champhai North A/C  leh  Polling Station 25 awmna 25-Champhai South A/C-ah te Dingdi Polling Station 3 theuh awm tur a tih a ni a,  Polling Station 29 awmna 25-East Tuipui A/C-ah Dingdi Polling Station 2 a awm bawk dawn  a ni.