1388/2025-2026

Champhai, dated 29th July 2025: Vawiin khan Directorate of Sports & Youth Services buatsaihin Champhai District-ah ni July ni 29 atanga August ni 1, 2025 chhung awh tur Mizoram Bharat Scouts & Guides-in State Award a pek theih sang ber Governor Award, Rajya Puraskar (Scouts & Guides) Testing camp chu Govt. Vengthlang Champhai Middle School-ah tan a ni.

Testing Camp hi Pu Lalngilneia Colney, Youth Welfare Officer chuan a hmanpui a, he testing Camp hi Pi Lalnunsiami Pachuau - State Organiser (Scouts & Guides), Pi Zodinthari Ralte, State Organiser (Scouts & Guides), Pu Lalthlanthanga, Organiser (Scouts), Pi R.Lalnunmawii, Organiser(Guide)leh Pu Zothansanga, Asst. Organiser (Scouts) te’n an telpui a, Champhaia Scoutmaster leh Guide Captain (unit Leader) ten an tawiawm bawk a ni.

He Testing camp ah hian Scout 27 leh Guide 30 in an test dawn a, Test a tlingte hi District dang Testing camp nei tur dangte nen a rualin a tlingte hnenah Award hi hlan an ni dawn a ni.