Vawiin khan Government GM High School leh GM Higher Secondary School, Champhai Vengsangah te  kumin Lok Sabha inthlanpui huna duty tur Official-te  pualin training tawpna ber buatsaih a ni. Inthlan duty turte hi an duty na tur Polling Station lam panin naktukah an chhuak dawn a ni. Vawiin  training-ah hian inthlan duty  tura ruatte an duty-na tur assembly constituency ang zela thendarhte hnenah  Master Trainers ten zirtirna hrang hrang an pe a ni.

Training-ah hian   Form pawimawh hrang hrang dahkhat dan leh inthlan kaihhnawih hriat turte zirtir a hrilhfiahna neih leh a ni a.  Vote thlakna khawl EVM/VVPAT nihphung leh hmandante a taka entirna tihchhinna neih a ni bawk.

District Election Officer Dr Naveen Aggarwal, IAS chuan inthlan duty turte chu mahni mawhphurhna leh tihtur te rinawm leh dik taka hlenchhuak turin a chah a. An kutah mawhphurhna sang tak a awm avanga fimkhur tur a chahin hlawhtling taka inthlanna neih anih theihna tura kutke pawimawh tak an nih thu a hrilh a ni.

Pu Alan Lalthanzara, Election Officer, Champhaiin inthlan duty turte hriat tur tul angte a sawi bawk a ni. Naktuk April Ni 10 hian inthlan duty tur ten an duty na tur Polling Station an pan tawh dawn a ni