2523/2025-2026

Champhai, dated 4th December 2025: Nimin khan DC Conference Hall, Champhaiah National Apprenticeship Promotion Scheme (NAPS) chungchang inzirtirna workshop buatsaih a ni a, Champhai Bawrhsap Pu Mohammad Aaquib chuan a kaihruai a, apprenticeship (mi hnuaia hnathawh zir) hi thalaite hmasawnna leh eizawnna hmuh theih nan a pawimawh hle a ni tih a sawi.

He hun hi LESDE Deputy Director Pu Zothankhuma'n hawngin NAPS thiltum tlangpui a tarlang a, LESDE atangin Pu Donny C. Lallawmkima chuan NAPS chungchang sawifiahna - NAPS 2.0 hnuaia thil thar awm te, a dil thei te, a dil dan tur leh hamthatna awm te - a nei a ni. He hunah hian hotel te, private sikul te leh zirna in hrang hrang an tel a, hotute nen inkawmhona hun hmangin zawhna te an zawt a, he scheme-a tel ngei tura fuihna thu an sawi bawk.

He hun zawh hian a hmun vekah NAPS hnuaia hming ziahluhna neih nghal a ni a, LESDE hotute puihnain hming an ziaklut a ni.