No.7315/2020-2021

Kum 2011 atanga kum tina hman thin Election Commission of India (ECI) din champhaphak lawmna hun National Voters’ Day (NVD) tum 11-na chu vawiin khan ram chhung hmun dangte rualin Champhaiah hman a ni. ‘Making our voters empowered, Vigilant, Safe and Informed’ tih thupui hmanga National Voters’ Day lawmna hun I&PR Auditorium-a neih hi Bawrhsap leh District Election Officer (DEO) ni bawk Pi Maria C.T. Zuali chuan a telpui a ni.

District Election Officer Pi Maria C.T. Zuali chuan kum 2011 atanga hman tan National Voters’ Day pualin district mipuite chibak a buk a. National Voters’ Day kaltlangin mipuite chu  kan aiawha roreltute thlang tura penchhuak tura zirtIr thin kan ni, a ti a.  Vote nei tharte chu a lawmpui thu leh mahni chhia leh tha hriatna hmanga ram hruaitu tur thlanga  vote thlak thin turin a chah a.  Therhlo dangte beiseia mahni vote tichingpen lo turin a fuih bawk. District Election Officer chuan inthlang ram ni mah ila ECI in a hranpaa thawktu a ngah tawk loh thu tarlangin, inthlan buaipuia puibawmtu hrang hrangte chu fakawm tiin, BLO te chungah lawmthu a sawi a. Vote nei zawng zawngte duhsakna hlanin  mipui siam sawrkar tha din turin  dikna leh chanvo an neihte tangkai taka hmang chhuak thiam turin a chah nghal a ni.

He hun hi Pu R.Lalnghakliana, Addl. DC Champhai chuan a kaihruai a. Pu Lalnunfela Chawngthu, Election Officer Champhai chuan Electoral Literacy Club (ELC) tih thupui hmangin Powerpoint Presentation a pe a.  General Voter EPIC ID  neite tan online hmanga download mai theih  Digital Voter ID,  e-EPIC tih chu vawiinah tlangzarh anih thu pawh sawiin, Voter Helpline mobile app, nvsp.in leh voterportal.eci.gov.in ahte ngaihven theih anih thu a sawi a. January Ni 25 atanga 31 thleng chu Voter thar tana hawn anih thu leh February Ni 1 atangin  mi zawng zawng tan hawn anih dawn thu  a sawi a, mipuite zirtirna Video Clip siam tum anih thu a sawi bawk.

Pi Esther Leihang, SDC, AERO, 24-Champhai South (ST) A/C Champhaiin National Voters’ Day (NVD) puala Chief Election Commissioner (CEC) Pu Sunil Arora thuchah a chhiarchhuaka, Pu Obed Lalmalsawma, SDC Champhai kaihhruainain National Voters’ Day thutiam lak a ni bawk.

He hunah hian  Champhai District chhunga Assembly  Constituency pathum atanga Booth Level Officer (BLO) titha zual thlanchhuahte; Pu V.Liankima, Teacher, Tualcheng M/S, 23/8 Tualcheng BLO, (23-Champhai North A/C); Pu H.Rosanga, Teacher, New Champhai Govt. M/S, 24/7 Venglai II BLO  (24-Champhai South  A/C) leh Pu C.Zokunga, Teacher, Govt.M/S Lianpui,  25/10 Lianpui BLO (25-East Tuipui  A/C) te hnenah Khuallianin  chawimawina thuziak leh sum fai Rs 3,000/- a hlan a, Vote nei tharte hnenah EPIC a semchhuak nghal bawk a ni.