1854/2026-202

Dated Champhai, the 19th August, 2026 : Vawiin khan Champhai District Krishi Vigyan Kendra leh Champhai District Agriculture Office buatsaihin DAO Conference Hall-ah Natural Farming chungchang zirtirna buatsaih a ni a. He hunah hian Champhai Community Resource Person leh Khawbung block chhunga mi 42 te zirtirna pek an ni.

Training-hi Dr. R.Zosangkima, Block Technology Manager, Agricultural Technology Management Agency, Champhai District chuan a kaihruai a. Kalkhawmte hnenah sawrkar laipuiin National Mission on Natural Farming hnuaia hma a lakna a nih thu sawiin, Natural Farming ṭhat zawkna hrang hrang zirtirna a pe a. Assistant District Agriculture Officer Dr. PC. Lalnunfeli chuan loneitute hnenah leilung ṭhat zawkna tura Natural Farming pawimawhnate zirtirna a neih chhunzawm nghal bawk a ni.

Pu Rambuatsaiha, Subject Matter Specialist (Agronomy) KVK Khawzawl chuan kalkhawmte hnenah Community Resource Person te mawhphurhna hrilhhriatna hun a hmang a. Self Help Group (SHG) te nen a thawhho zel a duh thu sawiin, leiṭha man tlawm zawk a siam dan leh leilung tichhe lo zawng a thlai tharchhuah dan te inzirtirna hun an hmang nghal bawk a ni.