Kumin April Ni 11 a Lok Sabha inthlan huna Polling Officer tur a ruatte tan vawiin khan  Government Comprehensive Middle School, Champhai Venglaiah Champhai District Election Office  chuan training a buatsaih a,  training-ah hian Polling Officer tura ruat mi  300 te hnenah  Master Trainers 5 ten zirtirna hranng hrang an pe a ni.

Training supervisor Pu K.Lalhmuakliana, DUDO Champhai kaihhruaina hnuaiah hian  Polling Officer te hi inthlan huna hriattur hrang hrang leh Form pawimawhte   dik leh  felfai taka dahkhah dante zirtir an ni a. Training hi hmun ngaah inthenin theory leh practical thlenga inzirtirna siam a ni a, Vote thlakna khawl EVM/VVPAT nihphung leh hmandante a taka entirna neih a ni bawk. Trainees-te pualin vawiin hian inthlan huna Vote an thlak theihna tur Election Duty Card (EDC) dilna siam niin hemi hmang hian inthlan ni a duty tur ten vote an thlak dawn a ni.