Vawiin khan Government GM Higher Secondary School, Champhai Vengsangah kumin Lok Sabha inthlanpui huna duty tur Presiding Officer leh Assistant Presiding Officer-te  pualin training thawhhnihna buatsaih a ni a, vawiin training-ah hian Presiding leh Assistant Presiding Officer tura ruat mi  350 te an duty na tur assembly constituency ang zela thendarhte hnenah  Master Trainers 5 ten zirtirna hrang hrang an pe a ni.

Training hi Pu K.Lalhmuakliana, DUDO Champhai kaihhruaina hnuaiah neih a ni a, Presiding Officer te hi inthlan huna hriattur hrang hrang leh Form pawimawhte   dik leh  felfai taka dahkhah dante zirtir an ni a. Training hi hmun ngaah inthenin theory leh practical thlenga inzirtirna siam a ni a, Vote thlakna khawl EVM/VVPAT nihphung leh hmandante a taka entirna neih a ni bawk. 

Trainees-te pualin vawiin hian inthlan huna Vote an thlak theihna tur Election Duty Card leh Aizawl West I  By-election atan Postal Ballot dilna siam chhhunzawm leh a ni a, tun thlengin EDC diltu 695 leh Postal Ballot diltu 5 an awm tawh a ni.

Training hi naktuk lamah Polling Officer-te pualin neih ve leh tur a ni a, chawhma dar 10:30 atangin Government GM Higher Secondary School-ah neih a ni ang.