Vawiin khan District Tobacco Control Cell (DTCC) Champhai leh KTM Riders Association Champhai District tangkawp buatsaihin Champhaiah Project HIMNA-MADAT Rally neih a ni a. Project HIMNA - MADAT (Mizoram Againts Drugs, Alcohol & Tobacco) Campaign hi thalai leh naupangte ruihhlo leh a kaihhnawih laka an fihlim theihna tura hmalakna a ni.  

Rally tanna leh khuhhawnna hun hi DC Office tual, Keifangtlang Champhaiah neih ani a, He hun hi Pu K.Vanlalthiana, Addl DC Champhai chuan khualian niin a hmanpui a. Rally puala buatsaih T-Shirt a tlangzarh nghal a ni.

Khuallian Pu K.Vanlalthian chuan Ditrict Tobacco Control Cell leh KTM Riders Association te  hmalakna hmanga thalaite hnen ruihhlo that loh zia zirtirna rally buatsaih ani chu lawmawm a tih thu a sawi a. Tunlai khawvelah ruihhlo leh a kaihhnawih avangin thalai tam tak ten harsatna n tawk mek a ni, a ti a. Zuk leh hmuam leh ruihhlo dangte lakah mitinte chu fihlim tum tur leh ram leh hnam leh kohhran tana tangkai zawka thawh tum theuh turin a chah a ni.

He hunah hian Pu Lalrawngbawla, Social Worker, District Tobacco Control Cell chuan thangtharte hnena zuk leh hmuam tilo tura zirtir chu an tum ber anih thu leh a zirtirtu fehchhuakte pawh entawn tlak a nun a tul thu a sawi a. Mitinte chu tun mai ni lo nidang zel pawha zirtirna puang darhtu nih tum turin a sawm nghal bawk a ni.

He hun hi Pu KC Zohmingthanga, Serectary KTM Riders Association, Champhai District chuan kaihruaiin, Pu Lalthakima Chhangte, Secretary-in report tawi a pe a. Rally neih chhhung hian Champhai khawpui chhung a hmun lun leh ualau laiah te Awareness campaign neiin  hun tawi an hmang zel a ni.

KTM Riders Association, Champhai District hi Kum 2017 kum tawp lam a din ani a, member 24 bawr vel awmin tanpui ngaite tanpuiin an lo fehchhuak fo thin a ni.